بابر اعظم کے والد بیٹے کی حمایت میں کھل کر سامنے آگئے

لاہور: (ویب ڈیسک) پاکستان کرکٹ ٹیم کے سابق کپتان بابر اعظم کے والد اعظم صدیقی بیٹے کی حمایت میں کھل کر سامنے آگئے۔

 بابر اعظم کے والد بیٹے کی حمایت میں کھل کر سامنے آگئےبابر اعظم کے والد اعظم صدیقی نے سماجی رابطے کی ویب سائٹ ایکس پر لکھا کہ آئی سی سی ٹی ٹوئنٹی ٹیم آف دی ایئر کے رکن اور کیپ ملنے کے بعد بابر اعظم ڈراپ ہوئے ہیں، بابر اعظم نیشنل ٹی ٹوئنٹی اور پی ایس ایل میں پرفارم کر کے دوبارہ ٹیم میں آ جائیں گے، سابق کھلاڑیوں سے درخواست ہے کہ وہ الفاظ کا چناؤ ٹھیک رکھیں۔

انہوں نے کہا کہ ایسا نہ ہو کہ کوئی پلٹ کر جواب دے تو برداشت نہ ہو، آپ ماضی ہیں دوبارہ نہیں کھیلیں گے، لوگ کہتے ہیں کہ باپ زیادہ بولتا ہے، میں بابر کا پہلا اور آخری کوچ ہوں، میں بابر اعظم کا ترجمان اور مینٹور بھی ہوں، میں سب سے زیادہ خیر خواہ باپ ہوں، جو چیخ و پکار کر رہے ہیں ان کی اپنے دور میں کیا کارکردگی رہی ہے؟۔